არსებითი სახელები და მათი სქესი

რუსულ არსებით სახელებს სამი სქესი აქვთ: მამრობითი, მდედრობითი და საშუალო. 

იმისთვის, რომ გაიგოთ, თუ რომელ სქესს მიეკუთვნება არსებითი სახელი, უნდა დააკვირდეთ მის დაბოლოებას სახელობით ბრუნვაში. მამრობითი სქესის სიტყვები ბოლოვდება თანხმოვნით ან й-ზე

მაგალითები:

адрес – მისამართი
брат – ძმა
взрослый – უფროსი

მდედრობითი სქესის  არსებითი სახელების დაბოლოებებია  -а, -я, ან -ия


მაგალითები:

книга – წიგნი
аллея – გამზირი
биология – ბიოლოგია

საშუალო სქესის სიტყვების დაბოლოებებია: -е, -о, ან –ие

მაგალითები:

животное – ცხოველი
лето – ზაფხული
курение – მოწევა

არსებობს რამდენიმე მამრობითი სქესის სიტყვა, რომელიც ბოლოვდება –a/я-ზე, მაგალითად мужчина (კაცი), дедушка (ბაბუა), дядя (ბიძა), ასევე მამაკაცის სახელების ზოგი კნინობითი ფორმა ბოლოვდება –a/я-ზე, მაგალითად Вася, Андрюша და ა.შ.

საშუალო სქესის სიტყვები, რომლებიც ბოლოვდება  -о, -е ან -и-ზე და პირდაპირაა ნასესხები უცხო ენებიდან, მაგალითად кино, кафе ან такси არ იბრუნვის.